– Жыл басынан бері биологиялық тұрғыдан зерттелген органикалық тыңайтқыш арқылы құнарлы жер көлемін арттыруды көздедім. Осы мақсатта малдың көңінен табиғи тыңайтқыш өндіруді қолға алдым. Тыңайтқышты бау-бақша, терек өсіруге пайдаланып, жасыл желекті көбейтуге болады. Ауылда үйіліп жататын малдың көңі жазда күннің қызуымен түтіндеп, қоршаған ортаны ластайды. Ал оны өңдесек, экологияның тазалығын жақсартуға үлес қосамыз. Сол себептен калифорниялық құртты өсіріп отырмын, – дейді Әнуар Нұров.
Оның айтуынша, калифорниялық қызыл құрттың ұзындығы – 10 см, диаметрі – 3-5 мм. Салмағы шамамен 1 граммды құрайды. Ал өмір сүру ұзақтығы – 16 жыл. Кәдімгі жауынқұртына қарағанда, 150 есе тез көбейеді. Бұл құрттың жаңа дернәсілі 21 күнде пайда болып, 90-120 күнде үлкейеді. Екі құртың дернәсілі жылына 1,5 мыңға дейін жетеді.
Атырау облысы
