«Климаттың өзгеруі ТМД елдерінің барлығын дерлік сумен қамтамасыз ету мәселесін қиындатып жіберді. Біз бұл мәселемен әртүрлі халықаралық форматтарда айналысамыз және екіжақты негізде өзара қолайлы шешімдерді іздейміз. ТМД аумағында су қауіпсіздігін қамтамасыз ету бойынша ортақ тәсілдерді әзірлеудің уақыты келді деп есептейміз», деді Қасым-Жомарт Тоқаев ТМД елдері басшылары кеңесінің отырысында.
Президент ТМД Атқару комитетіне трансшекаралық су ресурстарын тиімді және өзара пайдалану бойынша нақты ұсыныстар әзірлеп, енгізуді ұсынғанын мәлімдеді.
