Шекарашылардың жаңарған паркі

ҚР ҰҚК Шекара қызметінің астаналық аралас авиациялық эскадрильясында Қазақстан Республикасы ҰҚК төрағасы Нұртай Әбіқаевтың қатысуымен жаңа авиациялық әскери техника – әскери-көлік «Ми-171Ш» тікұшақтары мен Ан-74Т-200А әскери-көлік ұшағы салтанатты жағдайда тапсырылды. Төраға жаңа авиациялық техника экипаждары үшін бірінші ұшу тапсырмасына қол қойып, жеке құрамды авиациялық парктың толығуымен құттықтады. Шекара қызметін қазіргі заманғы техника және қару-жарақтармен қайта жаңғырту бойынша шараларды жоспарлы түрде жүзеге асырудың маңыздылығын атап өтті. Жаңа «Ми-171Ш» әскери-көлігінің еліміздің Мемлекеттік шекарасын күзетуге қатысып жатқанын да атап өту керек. Қазақстан Республикасы ҰҚК Шекара қызметі мен «Рособоронэкспорт» ААҚ арасында жасалған шарт аясында 2014 жылғы бірінші тоқсанда Улан-Удэ авиация зауытынан Шекара қызметінің қарулануына екі Ми-171Ш әскери-көлік тікұшақтары алынды, ал былтыр Шекара қызметі осыған ұқсас 4 тікұшақ сатып алған еді. Өзін көрсете білген Ми-8 тік­ұша­ғының өте жаңартылған нәтижесі болып табылады. Ең ауыр ұшу салмағы – 13 тонна, сонымен қатар, жүктің ең ауыр салмағы – 4 тонна, крейсерлік ұшу жылдамдығы – сағатына 230 км, ең жоғарғы ұшу биіктігі – 6000 м, ең жоғары ұшу ұзақтығы – 1065 км, десанттар саны – 30 адам. Ұшуларды күндіз түні, күр­делі метеорологиялық жағ­дай­ларда жасауға мүмкіндік беретін қосым­ша жабдықтар орнатылған. Түнгі көру аспаптары бар