«Реал Мадридтің» және Франция құрамасының шабуылшысы ең көп дауыс жинап, жеңіске жетті. Өткен маусымда Карим Бензема өзінің мансабында Чемпиондар Лигасын бесінші рет жеңіп алды.
Бензема 12 матчта 15 гол соғып, Чемпиондар лигасының үздік бомбардирі атанды. Ол Ла Лиганы төртінші рет жеңіп алды. Жалпы, корольдік клуб үшін француз спортшысы 46 ойында 44 гол соқты.
Жыл сайынғы марапаттау рәсімін «France Football» журналы ұйымдастырып келеді.
Айта кетсек, өткен жылы үздік футболшы атағын Лионель Месси алып, «Алтын доп» иегері атанған еді.
