Хоккей. Финалда Ресей мен Финляндия кездеседі

АСТАНА. 24 мамыр. Бүгін Беларусь астанасы – Минск қаласында өтіп жатқан әлем чемпионатының  жартылай финалдық ойындары ойналып, финалға шыққан екі команда анықталды.  Бұл туралы Чемпионат.Ру хабарлады. Күндіз ойналған матчта Ресей Швеция құрамасын 3:1 етіп ұтты. Ойында швед ойыншылары бірінші болып есеп ашты. Ресейліктер қақпасына олар бірінші кезеңнің 19-секундында шайба түсірді. Оны Оскар Мёллер өз есебіне жазды. Алайда, кезең соңына дейін орыстар есепті теңестіріп қана қоймай, алға шығып кетті. Әуелі Сергей Плотников шведтер қақпашысының қателігін пайдалана білсе, кейін Сергей Широков қорғаушының тасасында тұрып ұрды. Екінші кезеңде Антон Белов есепті еселеді. Сосын Финляндия құрамасы Чехия командасын 3:0 етіп ұтты. Суоми ойыншылары әр кезеңде бір шайбадан салды. Олар 9-минутта есеп ашты (Йори Лехтерь). Екінші кезеңнің ортасында олар есепті ұлғайтты (Яркко Иммонен). Ал үшінші кезеңде Лехтерь дубль жасады. Дамир Қожамқұл. Дереккөз: Чемпионат.Ру. Фото: Чемпион.Ру.