Кездесуге қатысушылар кандидаттың сайлауалды бағдарламасы аясында әлеуметтік салада жүзеге асыруды жоспарлап отырған реформалары туралы сұрақтарын қойды. Құжаттағы негізгі бес бағыттың бірі осы тақырыпқа арналғанын айта кеткен жөн. Мәселен, кандидат азаматтық қоғам институттарының тиімді жүйесін құруға және қоғамдық бақылауды күшейтуге ден қоюды көздеп отыр.
С.Тұрсынбекова «Тұрмыстық зорлық-зомбылықсыз Қазақстан» жобасымен жұмыс істеу барысында шалғай ауылдарға жиі барғанын атап өтті. «Адамдармен тікелей сөйлескенде ғана олар өздерінің шынайы мәселелері туралы айта бастайды. Менің мақсатым – осындай мәселелерді шешу. Мысалы, нашақорлық пен қоғамның маскүнемдігі. Синтетикалық есірткі қолданатындар жиілеп кетті. Қазірдің өзінде 9 жастан 12 жасқа дейінгі балалар Telegram арналарында оларды қайдан және қалай табуға болатынын тез біле алады. Зерттеулерге сәйкес, бала бірнеше сағатта мекенжайларды таба алатынын естігенде таңғалдық. Қазір осы мәселемен күрес өте төмен деңгейде жүруде», деді ол.