«Реал» жеңімпазға тән ойын көрсетті

Сенбі күні түнде Португалияның астанасы – Лиссабон қаласында Испания Мадридінің  «Реал» және «Атлетико» командалары Чемпиондар лигасының финалында кездесіп, бұлардың алдыңғысы 4:1 етіп ұтып шықты. Матч көпшілік күткендей, «Реалдың» қауырт шабуылы­мен басталды. Бұған «Атлетико» тасқамал қорғанысты ұйым­дас­тыра отырып, оқта-текте үдере шабуыл жасау тактикасын қарсы қойды. Түбінде осы тәсіл өзінің оң нәтижесін де берді. Кездесудің 36-минутында бұрыштамадан соққы жасаған «матрасшылар» қақпашы Икер Касильястың алға шығып кеткенін кезінде пайда­ланып, есеп ашты. «Реал» ойын­шылары айып алаңынан шығарған доп қайтадан кері келтірілгенде, «Атлетиконың» жартылай қорғаушысы Диего Годин оны басымен алыстан ұрып түсірді. Осыдан кейін «бланкос» футболшылары шабуылды бұ­рынғыдан бетер күшейтті. Криштиану Роналду бастаған реалдықтар алға қарай өршелене ұмтылды. Осындай үстін-үстіне жасалған жойқын шабуыл негізгі уақытқа қосылған 3-минутта ғана өз нәтижесін берді. Әуелі Лука Модрич бұрыштама добын жеткізді. Оны Серхио Рамос басымен ұрып, қақпашы Тибо Куртуаның ту сыртынан бір-ақ шығарды – 1:1! Осыдан кейін қосымша екі таймға кезек келді. Ол жұрт­шылық күткен сценарий бойынша өрбіді. Соңғы голдан үлкен қуат алған Карло Анче­лоттидің жігіттері та­ғы да алға қарай жөңкіле шапты. Бұл жолы олар атқанын құр жіберген жоқ. Сөйтіп, Гарет Бэйл (110), Мар­село (118), Криштиану Ро­нал­ду (120-пенальти) секілді ойын­­шы­лар соққан голдардың ар­қа­сын­да «Реал» есепті 4:1-ге жет­кі­зіп, бір-ақ тоқтады. Руслан ИГІЛІК.