«Қаламыз күннен күнге өсіп келеді: жаңа тұрғын аудандар, әлеуметтік нысандар, көшелер мен көпірлер ашылып жатыр. Сондықтан коммуналдық қызметтерге де жүктеме артып келеді. Елорданың күрт континенталды климатына қарамастан, біздің коммуналдық кәсіпорын қызметкерлері күндіз де, түнде де, кез келген ауа-райында жұмыс істейді. Олардың жайлы еңбегі үшін біз автопаркті үнемі жаңартып отырамыз, жалақыны көтереміз, сыйақыларды да енгіздік. Мәселен, соңғы жылдары ғана 300-ден астам арнайы техника мен жабдық сатып алынды», деп жазды қала басшысы.
Сондай-ақ, ол қараша айынан бастап «Астана Тазалық» жол жұмысшылары мен жүргізушілерінің жалақысы 20%-ға өсетінін атап өтті. Бұрын жалақы көлемі басқа санаттар үшін де көтерілген.
«2023 жылы қалалық коммуналдық қызмет қызметкерлерінің жалақысын қосымша көтереміз. Қажет болған жағдайда автопаркті жаңартуды жалғастырамыз», деді әкім.
Оның айтуынша, қысқы кезеңде қаланың коммуналдық қызметтері көшелерді, әлеуметтік нысандарға кірме жолдарды, жаяу жүргіншілерге арналған тротуарларды, аялдамаларды тазалауға ерекше назар аударуы қажет.
