Қаза тапқандар санын Раджкот полиция округінің бас инспекторы Ашок Ядав растады. Ал, мемлекеттік ішкі істер министрі Харш Сангавидің айтуынша, қаза тапқандар саны 132-ге жетіп, екі адам із-түзсіз жоғалған. Сондай-ақ ол жоғалған екі адам табылса, іздеу-құтқару жұмыстары аяқталатынын айтты.
Бүгін таңертең Морби мемлекеттік ауруханасы 99 қайтыс болған адамның тізімін жариялады. Онда қаза тапқандардың жасы көрсетілмеген.
Мердігер мен арқанды көпірдің басшысына қатысты қылмыстық іс қозғалды. Полиция оқиғаға қатысты тергеуді бастады.
Еске салайық, қайғылы оқиға 30 қазанда Гуджарат штатындағы Морби қаласының маңында болды. Маччу өзені арқылы 140 жыл бұрын салынған аспалы көпір құлап кеткен. Апат кезінде көпірде бес мыңға жуық адам, оның ішінде көптеген әйелдер мен балалар болған.
