Қала тұрғындары мен өңірдегі шағын және орта бизнесті дамытып жүрген кәсіпкерлер Қарақат Әбденнің сайлауалды бағдарламасымен танысып, көкейде жүрген сауалдарын қойды. Бизнесмендер мемлекет тарапынан жасалған қолдауды сезініп жатқандарын айтты.
Жиын барысында үміткер шағын және орта кәсіпкерліктің маңыздылығын атап өтіп, бұл саланың ел экономикасының дамуына зор үлес қосатынын жеткізді. Сондай-ақ кездесуде бизнес пен отбасылық құндылықтарды ұштастыру, ұлттық құндылықтарды дәріптеу, халықтың әлеуметтік жағдайын жақсарту мәселелері талқыланды.
Талғар қаласынан бастау алған отбасылық бизнесті дамыту сұрақтары облыстағы Тұздыбастау ауылында өрбіді. Қ.Әбден осы ауылдағы отбасылық кәсіпті дөңгелетіп отырған Сайыпжамал Өтептің әулетіне арнайы атбасын бұрды. «Мен зейнетке шыққалы бері «Ақырыс» атты отбасылық бизнесті қолға алдым. Сүттен кілегей, қатық, құрт, ірімшік, сыр, айран, көже, жент жасаймыз. Елдің болашағы осындай шынайы, қолдан жасалған еңбектен басталады. Өзіміз Қарақат Әбденнің сайлауалды бағдарламасын тыңдап, разы болып жүргенбіз. Елді аралап, біз секілді қарапайым адамдарды қолдап жүргені үшін алғысымызды білдіреміз», деді кәсіпкер.
