Қазақстанның екі облысының әкімдері ауысты

АСТАНА. 27 мамыр. Бүгін Президент Нұрсұлтан Назарбаевтың Жарлықтарымен Ақмола және Солтүстік Қазақстан облыстарына жаңа әкімдер тағайындалды. Бұл туралы Ақорданың баспасөз қызметі хабарлады. «Мемлекет басшысының Жарлықтарымен: Самат Сапарбекұлы Ескендіров Солтүстік Қазақстан облысының әкімі қызметінен; басқа жұмысқа ауысуына байланысты Қосман Қайыртайұлы Айтмұхаметов Ақмола облысының әкімі қызметінен босатылды; сондай-ақ, басқа жұмысқа ауысуына байланысты Қазақстан Республикасы Парламенті Сенатының депутаты Сергей Витальевич Кулагиннің өкілеттігі тоқтатылды», - делінген хабарламада. Сонымен қатар, Мемлекет басшысы Сергей Витальевич.Кулагинді  - Ақмола облысының, Ерік Хамзаұлы Сұлтановты Солтүстік Қазақстан облысының әкімдері етіп тағайындау туралы Жарлықтарға қол қойды. Ерік Сұлтанов  1956 жылы 24 наурызда Солтүстік Қазақстан облысы Шал ақын ауданында туған. Қарағанды политехникалық институтын (қазіргі Қарағанды мемлекеттік техникалық университеті) бітірген. Тағайындалғанға дейін «Қазақстан темір жолы» АҚ вице-президенті болып қызмет атқарған. Сәкен Майлыбай. Дереккөз: Ақорда сайты. Фото: Ақорда сайты.