Облыс әкімінің орынбасары Жасұлан Бисембиевтің мәліметінше, әр деңгейдегі мәслихаттарда әйелдердің үлесі 27-30, мемлекеттік қызметте – 80, квазимемлекеттік секторда – 22, білім беруде – 92, медицинада 60 пайыздан астамды құрап отыр. Әр буындағы басшылық лауазымдардың шамамен 40 пайызын әйелдер атқарады.
Еліміздің энергетика саласында түрлі лауазымды атқарып отырған әйелдер қатары аз емес. Мәселен, нәзік жандардың үлесі Атырау мұнай өңдеу зауыты мен NCOC компаниясында – 30, «Теңізшевройл» ЖШС-да 35 пайызға жеткен.
– Қазақстанда әйелдер құқығын қорғауда айтарлықтай жетістік бар. Қазір әйелдер экономиканың әр саласында, оның ішінде энергетика секторында да көшбасшылық позицияға ие болып отыр. Түрлі жобаларды жүзеге асыруға әйелдер неғұрлым көбірек қатысса, соғұрлым оң нәтиже болады. Көптеген елде гендерлік тепе-теңдік әйелдер денсаулығы мен құқығын дамыту бағытындағы тақырып аясында талқыланып келеді. Осы мәселелерді талқылаудан кейін әйелдерге өз ісімен айналысу үшін гранттар мен несиелер бөлінді. Әлемнің көптеген мемлекетінде әйелдер елдің дамуына белсенді қатыса бастады. Біз әйелдердің энергетика секторындағы барлық жобаға қатысуына мүмкіндік беруіміз керек, – дейді Ндилека Мандела.
Атырау облысы