Еуразиялық экономикалық одақ елдері тең құқылы

АСТАНА. 28 мамыр. Еуразиялық экономикалық одақтың басты құжаты қатысушы мемлекеттердің экономикалық қызметін тең құқылы жағдайда жүргізуді қамтамасыз етеді.  Экономика және бюджетті жоспарлау министрлігі Салық және кедендік саясат департаменті кедендік саясат басқармасының басшысы Ержан Жамбылов бұқаралық ақпарат құралдарына берген сұхбатында осылай деді. Бұл туралы Bnews.kz хабарлады. Ержан Жамбылов: «Одақты құру туралы келісім-шарт пен одақ аясындағы халықаралық келісім-шарттар тауарлар мен қызметтердің, капитал және жұмыс күштерінің еркін қозғалысын қамтамасыз етеді», – деді. Еуразиялық экономикалық одаққа мүше мемлекеттердің аумағында ортақ құқықтық жағдайда экономикалық қызметті жүргізуге мүмкін болатыны келісім-шартта көрсетіледі. Атап айтқанда, Еуразиялық экономикалық одақ құру туралы келісім-шарт жобасына сәйкес, аталған одақтың Кедендік кодексі, кедендік қарым-қатынастарды реттейтін халықаралық келісімшарттар мен актілерге, сондай-ақ, қазіргі шарттың ережелеріне сәйкес бірыңғай кедендік реттеу жүзеге асырылады деп күтілуде. Осы жұмыстар бойынша Кедендік кодексті әзірлеуге дайындық жүргізіліп жатыр. Жолдыбай Базар. Дереккөз: Bnews.kz. Фото: elarna.kz.