Ақмола облысы ПД есірткі қылмысына қарсы іс-қимыл басқармасының қызметкерлері Көкшетау қаласының тұрғыны есірткі заттарын пайдаланатыны, сондай-ақ оларды тұрғылықты жеріне жеткізумен және өткізумен айналысатыны туралы ақпарат алды.
Жедел-іздестіру іс-шараларын жүргізу барысында полицейлер күдіктіні ұстады. Нәтижесінде одан 1,5 келіге жуық гашиш, сондай-ақ бөлшек сауданы жүзеге асыруға арналған құрылғылар тәркіленді.
Сот отырысы барысында ер адам кінәсін мойындады. Сот үкімімен 48 жастағы сотталушы ҚР ҚК 297-бабы 3-бөлігі бойынша кінәлі деп танылып, төтенше қауіпсіздік қылмыстық-атқару жүйесі мекемесінде жазасын өтей отырып, 12 жыл мерзімге бас бостандығынан айырылды.
