«Салық және бюджетке төленетін басқа да міндетті төлемдер туралы» Қазақстан Республикасының кодексіне (Салық Кодексі) және «Салық және бюджетке төленетін басқа да міндетті төлемдер туралы» Қазақстан Республикасының Кодексін қолданысқа енгізу туралы» Қазақстан Республикасының Заңына өзгерістер мен толықтырулар енгізу туралы» (Салық кодексі)» Қазақстан Республикасының 2022 жылғы 11 шілдедегі №135-VII Заңымен дивидендтерге салық салу бөлігінде салық заңнамасына мынадай өзгерістер көзделген:
заңды тұлғалар
- дивидендтер бөлігінде корпоративті табыс салығы бойынша жылдық жиынтық кірісті қолданыстағы түзету алынып тасталды;
- қор биржаларының ресми тізімінде (КАSЕ, АХҚО) осындай дивидендтерді есептеу күніндегі бағалы қағаздар бойынша алынған дивидендтер жылдық жиынтық кірістітен алынбайды және төлем көзінен салық салынады (Салық кодексінің 241-бабы 2-тармағының 4) тармақшасына, Салық кодексінің 307-бабы 1-тармағының 5) тармақшасына);
- егер салық кезеңінде биржада белсенді сауда-саттық жүзеге асырылса (өлшемшарттарды Үкімет айқындайды) АХҚО-ның KАSЕ, АХҚО биржаларында орналастырылған бағалы қағаздар бойынша дивидендтер жылдық жиынтық кірістен алынып тасталады (Салық кодексінің 241-бабы 2-тармағының 4) тармақшасы).
жеке тұлғалар
- егер салық кезеңінде биржада белсенді сауда-саттық жүзеге асырылса қор биржаларының ресми тізімінде (KАSЕ, АХҚО)осындай дивидендтерді есептеу күніндегі бағалы қағаздар бойынша алынған дивидендтер түріндегі кірістер бойынша жеке табыс салығын түзету қолданылады (өлшемшарттарды Үкімет айқындайды) (Салық кодексінің 341-бабы 1-тармағының 7) тармақшасы);
- бірыңғай ставка бойынша төлем көзінен жеке табыс салығын салу 10%, дивидендтер түріндегі кірістер үшін 5% ставка алынып тасталды (Салық кодексінің 320-бабының 2-тармағы);
- дивидендтер түріндегі кірісті түзету шарттары өзгертілді. Резидент заңды тұлғадан күнтізбелік жыл ішінде 30 000 АЕК шегінде алынған дивидендтер бойынша түзету көзделген (Салық кодексінің 341-бабы 1-тармағының 8) тармақшасы).
Бейрезиденттердің дивидендтері бойынша
- Салық кодексінде белгіленген шарттарды орындау кезінде 10% мөлшерлемені белгілей отырып, бейрезиденттердің дивидендтерін (заңды тұлға және жеке тұлға) салық салудан толық босату бөлігінде жеңілдіктер алынып тасталды(салық кодексінің 646-бабының 4 және 5-тармақтары);
- қор биржасының (KASE, АХҚО) ресми тізімдерінде сатылған күні бағалы қағаздар бойынша бейрезиденттердің (заңды тұлға және жеке тұлға) дивидендтері бойынша жеңілдіктер сақталды. Бұл жеңілдіктер тұрақты сауда-саттықты жүргізу кезінде ғана қолданылатын болады (өлшемшарттарды Қазақстан Республикасының Үкіметі айқындайды).
Өзгерістер 2023 жылдың 1 қаңтарынан бастап қолданысқа енеді.
