Аймақтар • 23 Қараша, 2022

Ауыл ортасында алма

167 рет көрсетілді

Махамбет ауданындағы Сарытоғай ауылында 1948 жылдан бері арнайы бақта алманың 17 түрі өсірілген. Алмадан дайындалған үш түрлі өнім еліміздің өзге өңірлеріне, Ресейдің бірнеше облысы мен Татарстан, Башқұртстан республикаларына жіберілген.

Қазір алма бағы иесіз қалған. Жа­қында шағын саябақ ашылып, алма ағашы егілді. Саябаққа алма бейнеленген мүсін орнатылды. Мүсіннің биіктігі – 3 метр. Оны осы ауылда тұратын ағаш шебері Орынғали Сариев жасаған. Оған ауылдағы орта мектепті 1975, 1985 жылдары бітірген түлектер қолдау білдірген.

– Сарытоғай ауылындағы бақта алманың ең дәмдісі өсірілді. Сол кезде ауылдың үлкені де, кішісі де алма бақта жұмыс істеді. Алма ағаштарына құятын суды Жайық өзенінен шелекпен тасыдық. Балаларды жастайынан еңбекке баулыдық. Ауылымызда өсірілген алма одаққа танылған еді. Бү­гінде сол алма бақтың орны мен ескір­мейтін естеліктері ғана қалды. Бақтың жұмысы қайта жандандырылса, аудан экономикасына пайдасы тиер еді. Алманың мүсіні – өткен тарихтың белгісі, – дейді ардагерлер кеңесінің төрағасы Уәли Рақымжанов.

 

Атырау облысы

Соңғы жаңалықтар

Ұқсас жаңалықтар