Өткен рәсім барысында қазақстандық елші И. Кассиске Қазақстандағы кезектен тыс президент сайлауының қорытындылары мен елде жүргізіліп жатқан реформалар туралы ақпарат берді. Өз кезегінде Швейцария Конфедерациясының басшысы Президент Қасым-Жомарт Тоқаевқа құттықтау сөздерін жолдады.
Сұхбат барысында бірқатар мәселе мен екіжақты ынтымақтастықтың әлеуеті бойынша пікір алмасу өтті. Екі ел арасындағы дипломатиялық қатынастардың 30 жылдық тарихында тұрақты саяси диалог құрылып, сауда-экономикалық және инвестициялық өзара іс-қимыл саласында елеулі көрсеткіштерге қол жеткізілгені атап өтілді.
