Қоғам • 25 Қараша, 2022

Астанада ұйымдасқан қылмыстық топ мүшелері ұсталды

33 рет көрсетілді

Жұма күні елордада арнайы операция барысында ұйымдасқан қылмыстық топтың мүшелері мен жетекшілері ұсталды, деп хабарлайды Egemen.kz.

Елордалық ІІД мәліметінше, ұсталған қылмыстық топтың бір мүшесі осы жылдың сәуір айында елордадағы түнгі клубтардың бірінде төбелес ұйымдастырды деген күдікке ілінген.

Қалған екеуі – қылмыстық топтың басшысы мен қылмыстық топтың «авторитеті» аса ірі көлемде алаяқтық жасады деген күдікке ілінген. Айыпталушылар қамқорлыққа, сондай-ақ Ақмола облысының кәсіпкерлері арасындағы мүліктік дауды шешуге уәде беріп, оларды туыстарына – облыстағы екі үй мен екі коттеджге 150 миллионнан астам сомаға төлем ретінде жылжымайтын мүлікті тіркеуге көндірген.

Екі қылмыстық іс бойынша сотқа дейінгі тергеу амалдары жүргізілуде. Ұсталғандардың барлығы уақытша ұстау изоляторына қамалды, олардың басқа да қылмыстарға қатысы бар-жоғы тексерілуде.

 

Соңғы жаңалықтар

Ұқсас жаңалықтар