Спорт • 28 Қараша, 2022

Месси Марадонамен теңесті

Франция мен Дания құрамалары арасындағы кездесу 2:1 есебімен аяқталғаны белгілі. 61 және 86-минуттарда Килиан Мбаппе нысананы дәл көздеді. Осы дубльдің арқасында ол өзінің отандасы, даңқты Зинеддин Зиданды қуып жетті. Екеуі де ұлттық құрама сапында 31 голдан соқты. Осылайша, ол Жюст Фонтен мен Жан-Пьер Папеннен озып кетті. ХХ ғасырдың аты теңдессіз теңбіл доп шеберлері қарсыластар қақпасын 30 ретттен дәл көздеген еді.

Ғалым СҮЛЕЙМЕН

Франция құрамасы өз тарихында тұңғыш рет әлем чемпионаттарында қатарынан алты ойында жеңіске жетті. Бұған дейін олар 2018 жылы Ресейде өткен жарыстың плей-офф сайыстарында Аргентина (4;3), Уругвай (2:0), Бельгия (1:0) және Хорватияны (4:2) есебімен ұтқан еді. Ал Қатардағы доданың алғашқы екі турында француздар Аустралия (4:1) мен Даниядан (2:1) басым түсті. 2010 жылы Испанияның футболшылары да дәл осындай көрсеткішке қол жеткізген еді.

Аргентина мен Мексика арасындағы бәсекенің 64-минутында Лионель Месси есеп ашты. Осылайша, ол Аргентинаның аты аңызға айналған футболшысы Диего Марадонамен теңесті. Ұлттық құрама сапында екеуі де сегіз голдан соқты. Бірақ Месси әлі де Габриэль Батистутаға жете алған жоқ. «Батигол» деген жанама есімге ие болған атақты шабуылшы 10 рет мергендік танытқан еді.

Сауд Арабиясының «Әл-Наср» клубы Португалия құрамасының ең үздік ойыншысы Криштиану Роналдуды өз қатарынан көргісі келеді. CBS Sports агенттігінің хабарлауынша, аталған команданың қожайындары Роналдуға үш жылда 216 миллион еуро шамасында жалақы төлеуге даяр.

Испания мен Германия арасындағы кездесу 1:1 есебімен аяқталғаны белгілі. Бұл матчта немістердің қақпасын Мануэль Нойер қорғады. Бұл – 36 жастағы Нойердің әлем чемпионатында 18-рет жасыл алаңға шығуы. Сөйтіп, ол өзінің отандасы Зепп Майер мен бразилиялық Клаудио Таффарельдің көрсеткішін қайталады.