Медицина • 28 Қараша, 2022

Көкжардағы модульді медпункт

50 рет көрсетілді

Шалғай ауылда тұратын халық­тың бір тілегі – медицина қызме­тінің сапасын арттыру мәсе­лесі. Жетісуда алыс елді мекендер же­­тер­л­ік. Соның бірі – Алакөл ау­да­­нына қарасты Көкжар ауы­лы. Осы күнге дейін аудан орта­лы­­ғына сабылған жұрт­тың тіле­гі орындалды. Енді тұрғын­дар ауыл­дағы жаңа мо­дульді мед­пункт­­тен алғашқы көмекті ала алады.

Суретті түсірген Жұмабай Мұсабеков

Бұл – облыста биыл іске қосылған жетінші медпункт. Жалпы, өңірде жыл соңына дейін 12 блок-модульді медициналық кешен іске қосылады деп жоспарлануда. Ауыл тұрғындарының қуанышына ортақ­тасқан аудан әкімі Алмас Әбдинов, Жыланды ауылының ардагерлер кеңе­сінің мүшесі Мұратхан Мереев, еңбек ардагері Ілияс Қасымов көпші­лікке ізгі тілектерін білдірді. Ғи­ма­рат­­тың лентасы қиылған соң келу­шілер мекеменің ішін аралап көрді. Бұл медициналық пункт Көкжар ауылының 160 тұрғынына қызмет көрсетеді.

Жетісу облысы әкімдігінің мәліме­тіне сүйенсек, жобаның жалпы құны – 39 млн теңге. Ғимараттың аумағы – 108 шаршы метр. 12 тұрғынжайы бар. Атап айтсақ, вестибюль, дәліз, дәріханасы бар тіркеу орны, аку­шер­лік қабылдау бөлмесі, егу бөлмесі, про­це­дуралық кабинет, материалдар алу мен зерттеу бөлмесі, орта меди­ци­на­лық қызметкерлер бөлмесі, 2 дә­рет­хана бөлмесі, сол сияқты бас­қа да тұрмыстық-шаруашылық қажет­тіліктегі тұрғынжайлар орналас­қан. Ыс­­тық су, жылу жүйесі жүргізіл­ген, жел­­дет­кіш орнатылған. Құрылыс-мон­таж­­дау жұмыстарын «Qaz Damu Construction» ЖШС мердігер ұйымы атқарған.

Жалпы, жыл соңына дейін өңірде тағы 5 блок-модульді кешенді іске қосу жоспарланған. Ақсу, Алакөл, Ескелді, Көксу, Қаратал және Кербұлақ аудандарында жалпы құны 900 млн теңге болатын медициналық блоктармен толығады.

Мамандардың айтуынша, блок-модульді кешендер берік, қарапайым орнатылатын, ұзақ қызмет ететін құрылыс түрі. Сонымен бірге қолай­сыз ауа райына төтеп бере алады. Олардың қызмет ету мерзімі 30 жыл деп межеленеді.

 

Жетісу облысы

Соңғы жаңалықтар

Израильде жер сілкінді

Әлем • Бүгін, 10:03

Достық және мемлекеттік мүдде

Қазақстан • Бүгін, 08:45

Инвестиция көлемі азайған

Инвестиция • Бүгін, 08:40

Үздіктер қатарында

Марапат • Бүгін, 08:35

Жампоз

Қазақстан • Бүгін, 08:25

Жедел желі қосылды

Әлем • Бүгін, 00:28

«Сәулең болса кеудеңде...»

Пікір • Бүгін, 00:21

Қуаты мол құрама жем

Экономика • Бүгін, 00:14

Текелінің тәтті тағамдары

Аймақтар • Бүгін, 00:05

Ұқсас жаңалықтар