Франция Қазақстанның ең ірі инвесторлар бестігіне кіреді, себебі Париж Қазақстан экономикасына 17 миллиард доллар инвестиция салған. Негізі Францияның Орталық Азия елдеріндегі сауда-саттығы ядролық сектордың үлесіне тиесілі.
«Orano S.A. – Франция атом өнеркәсібі саласының көшбасшысы. Атом энергетикасы мәселесі Électricité de France (EDF) бас директоры Люк Ремонмен болған кездесу барысында да қозғалды. Президент Люк Ремонмен атом энергетикасына озық технологияларды енгізу перспективаларын қарастырды. Аталған мәселе елімізде АЭС салу жоспары тұрғысынан өзекті. Сондай-ақ жаңғырмалы энергия көздері саласындағы жобаларды іске асыру мүмкіндіктері талқыланды», деді Қ.Тоқаевтың баспасөз хатшысы Руслан Желдібай.
