Аймақтар • 04 Желтоқсан, 2022

Екібастұздағы барлық үйдің жертөлесіне жылу кірді

66 рет көрсетілді

Бүгінгі сағат 20.00-дегі жағдай бойынша Екібастұздағы жылу жүйесінен ажырап тұрған көпқабатты үйлердің барлығының жертөлесіне жылу кіргізілді. Қазіргі күні жөндеу бригадалары 11 үй бойынша пәтерлердің жылу радиторлары мен пәтер аралық құбырларды ауыстырып жатыр, деп жазады Egemen.kz.

Бұл туралы Екібастұздағы апатты қалпына келтіру жөніндегі жедел штабтың өкілдері өткізген баспасөз мәслихатында айтылды.

- Қазір Екібастұз ЖЭО-дан шығатын жылу желілеріндегі температура 82-де 59 градусты көрсетіп отыр. Апат салдарынан жылудан ажырап қалған барлық үйлердің жертөлесіне дейін жылу кіргізілді, жылу айналымы қалпына келе бастады. Жөндеу бригадалары бүгінге дейін үйлердің ішіндегі 850 жылу батареяларын айырбастады. Таңертең қолымызда 2500 дана жылу батареясы болған. Сондықтан пәтерлері жылуға енді қосыла бастаған 11 тұрғын үйге қоятын жылу радиаторларымыз жеткілікті.

Павлодар облысы әкімінің міндетін уақытша атқарушы Олег Круктың айтуынша, ысырап болып жатқан су көлемі шамамен 360 тонна, кәсіпорын бұған қосымша тағы 350 тоннадай жоғалтып отыр.

- Көп жұмыстар жүргізілді. Өкінішке қарай кейбір үйлерде ПИК-тер тиісті шараларды уақытылы атқармаған. Соның салдарынан жүйелер қатып қалған. Қазіргі күні Сәтбаев көшесі, 8 үй, Мәшһүр Жүсіп көшесі, 52 үй, Әуезов көшесіндегі №47, 46, 46А, Шешембеков көшесі, 19А үйлерінде қиындықтар туындауда. Штаб жетекшісі, Үкімет басшысының бірінші орынбасары Роман Склярдың тапсырмасымен әр үйге белгілі бір кәсіпорындар бекітілді. Әлгі кәсіпорындардың басшылары қалпына келтіру жұмыстарының басы-қасында өздері жүр.  Бұл жағдай барлық зақымдану толық қалпына келтірілгенше сақталады. Үйлерді жылуға қосу жақын уақытта аяқталады деп отырмыз, - деді ол.

Штаб өкілдері апатты жою шараларына белсенді атсалысып жатқан «САЭМ» компаниясына, «Шығыс» кеніші, МАЭС-1, МАЭС-2 стансаларына, «Бозшакөл» КБК-ға, «Богатыр Көмір» және КЕГОК кәсіпорындарының басшылығына, сондай-ақ өз жұмысын адал атқарып жүрген ПИК-тердің өкілдеріне алғыс білдірді.

Аязда тұрғындар мен жөндеу бригадаларына ыстық шай мен ас-ауқат тасып жүрген еріктілердің еңбегі де мақтауға лайық.

Қала басшысы Аян Бейсекиннің айтуынша, апаттан зардап шеккен тұрғындардың барлық шығынын өтеуді «Орталық-Азия Электроэнергетикалық Корпорациясы» АҚ өз міндетіне алып отыр.

Атап өтерлігі, қалпына келтіру, жөндеу жұмыстарында пайдаланылып жатқан құбырлар мен радиаторлар «Орталық-Азия Электроэнергетикалық Корпорациясы» АҚ-ның және демеушілердің есебінен сатып алыныпты. Барлық көпқабатты тұрғын үйлердің жылу тораптары қалпына келген соң жөндеу бригадалары суық су құбырларын жібітуге және жүйелері қатып жатқан 70 жеке үйдің құбырларын реттеуге аттанады.

Бұған қоса ОЖП-52 нысанына және өзге де магистральдерге қосылған бірнеше әлеуметтік нысанның жүйелерін дұрыстау көзделіп отыр.

Соңғы жаңалықтар

Ықпалды Мәжіліс мінбері

Пікір • Бүгін, 21:54

Кезекті белес

Пікір • Бүгін, 21:52

Инфляция барометрі не дейді?

Экономика • Бүгін, 21:43

Несібені арттыратын несие

Аймақтар • Бүгін, 21:37

Сырдың күріші – сыртқы нарықта

Экономика • Бүгін, 21:34

Әскери топограф

Қоғам • Бүгін, 21:08

Бір жылда 100 кітап оқыған

Қоғам • Бүгін, 21:00

Күй рухы асқақтаған кеш

Өнер • Бүгін, 20:59

Кедергі философиясы

Руханият • Бүгін, 20:55

Дубляждың дарабозы

Өнер • Бүгін, 20:48

Біздің Люй-Ко

Өнер • Бүгін, 20:46

Шоқан бейнесіндегі Сағи

Кино • Бүгін, 20:44

Өмірмен қоштасу әні

Өнер • Бүгін, 20:42

Рух

Спорт • Бүгін, 20:38

Тау шаңғысын қалайтындар көп

Қысқы спорт • Бүгін, 20:34

Бап кем бе, бақ кем бе?

Бокс • Бүгін, 20:27

Көне құмыра және кестелі тері

Жәдігер • Бүгін, 20:14

Финалда жолы болмады

Теннис • Бүгін, 20:11

Әлем кубогінде жүлде алды

Спорт • Бүгін, 20:08

Төрт рет тізе бүктірді

Хоккей • Бүгін, 20:07

Ұқсас жаңалықтар