Бұл факті сотқа дейінгі тергеп-тексерудің бірыңғай тізілімінде тіркеліп, Екібастұз қаласының полиция басқармасында тергеу амалдары жүргізіліп жатыр. Болған оқиғаның мән-жайы алдын ала анықталды.
– 33 жастағы ер адамның мүрдесі Екібастұз қаласындағы автогараждардың бірінде, қозғалтқышы жұмыс істеп тұрған жеке автокөліктен табылды. Алдын ала мәліметтер бойынша, өлім жағдайы отбасылық жанжалдың салдарынан болған және марқұмның қызметімен байланысты емес. Бірқатар сараптама тағайындалды, олардың нәтижелері бойынша процессуалдық шешім қабылданады, – деді Павлодар облыстық полиция департаменті бастығының орынбасары Рашад Өтеуов.
Алдын ала болжам бойынша, ер азамат әйелімен болған жанжалдан соң гаражға кетіп, көлігін оталдырған. Кейін ол ұйықтап кетіп, газдан уланып қалған болуы мүмкін.
Екібастұз жылу-энерго орталығы марқұмның бұған дейін шын мәнінде стансада учаске басшысы қызметінде жұмыс істеп келгенін растап отыр.
Павлодар облысы,
Екібастұз қаласы
