Денсаулық сақтау министрі Ажар Ғинияттың айтуынша, елімізде қараша айының басынан бастап коронавируспен сырқаттанудың өсуі байқалады. Тәулігіне КВИ+ жұқтырудың 235 және КВИ- жұқтырудың 40 жағдайы тіркеледі. Кейінгі аптада сырқаттанушылық 21%-ға артқан (аптасына 1 001 жағдайдан 1 283-ке дейін).
«Бүгінгі таңда барлық өңір – «жасыл аймақта». Сонымен қатар 15 өңірде R көрсеткіші бірліктен жоғары, бұл – инфекцияның таралуының өсуінің белгісі. Бас мемлекеттік санитарлық дәрігердің қаулысына сәйкес R көрсеткіші 1-ден жоғары болса, қоғамдық орындарда маска тағу ұсынылады», деді А.Ғиният.
Вице-премьер А.Көлгінов мемлекеттік органдардың басшыларына, әкімдіктерге халықты вакциналау және ревакциналау жұмыстарын жандандыруды, халық арасында түсіндіру жұмыстарын күшейтуді тапсыр-
ды.
Бүгінгі таңда бірінші компонентпен вакцина салдырған халықтың үлесі 81,1%-ды құрайды, екінші компонентпен вакцина алғандар– 79,3%. Алғашқы ревакциналаудан 5,6 млн адам немесе тиісті халықтың 70%-ы, қайта ревакциналаудан 1,1 млн адам немесе тиісті халықтың 51,9%-ы өтті.
