Қыздар жаһандық додаға жолдама алды

Сеулдегі Азия чемпионатының жере­бесі Қазақстан қыздары үшін қолай­сыз түсті. Жапония, Қытай сияқты құрлық­тағы ең мықты ұжымдармен бір топ­қа түскен Қазақстан құрамасы Таи­ланд, Гонконг сияқты командаларды ұтқа­нымен, Жапония мен Қытайға қарсы тұра алмады. Жапония – бұған дейін Азия чемпионы деген атақпен қатар, үнемі финалға шығып жүрген команда.

Қытай құрамасы да осал емес. Азия чемпионатында 16 (!) мәрте жүлде алған шығыс­тағы көршілеріміз биылғы жарыс­тың қоры­тындысы бойынша жүлде санын 17-ге жеткізді.

Десек те, Қазақстан құрамасы Азия чемпионатының алғашқы ойынында дәл осы Қытай құрамасына айтарлықтай төтеп берді. Тіпті кейбір ойын сәттерінде бойжеткендеріміз есепте алға шыққан еді. Өкінішке қарай, Берік Бекназаровтың шәкірттері өз мүмкіндіктерін тиімді пай­да­лана алмай, қарсыластарының есеп­те алға шығуына жол беріп қойды.

Жалпы, Азия чемпионаты барысында Қазақстан құрамасы сапында Жанерке Сейітқасым, Дана Әбілдә, Вероника Хар­дина, Камила Серікбаева, Ирина Бара­новская, Арайлым Әбдіхамит өте жақсы өнер көр­сетті. Мәселен, Қытаймен өткен алғаш­қы матчта Вероника Хардина 8 доп соқса, Дана Әбілдина 6 рет қарсылас қақ­пасын дәл көздеді.

Азия чемпионатының қорытындысы бойынша 5 команда келесі жылы өтетін әлем чемпионатына жолдама алды. Олар – Қазақстан құрамасы және үз­дік төрттікке кірген Оңтүстік Корея, Жапо­ния, Қытай және Иран құрамалары.

Өткен аптада Оңтүстік Корея құра­масы финалда Жапонияны қосымша уақытта жеңіп (34:29), Азияның 16 дүр­­­кін жеңімпазы атанды. Қола жүлде Иран­ды 39:24 есебімен ұтқан Қытай енші­сінде.

Әлем чемпионатын келесі жылы Да­ния, Швеция және Норвегия құрама­ла­ры бірігіп өткізеді. Бүгінде әлемдік жа­рысқа қатысатын 32 команданың 17-сі белгілі болды. Атап айтсақ, жарыс қо­жа­йындарынан бөлек, Франция, Черно­гория және Нидерланд құрамалары Еуропа чемпионатының қорытындысы бо­йынша жолдама алды. Африка айма­ғы­ның үздік төрт командасы қараша айы­ның 20-ында анықталды. Олар – Ангола, Камерун, Конго және Сенегал құра­ма­лары. Америка аймағының қос мықты­сы Бразилия мен Аргентина да әлем чемпионатына қатысатын ұжымдарға қосылды. Келесі жылдың көктемінде Еуропа чемпионатының екінші іріктеу ойындары өтеді. Ол жерде 10 команда белгілі болады. Ал қалған бес команданы Халықаралық гандбол қауымдастығы өздері ұсынады (wild card).

Азия чемпионатының нәтижелері

Топтық ойындар

А тобы

1-тур. Үндістан – Иран – 35:43; Оңтүстік Корея – Аустралия – 48:9;

2-тур. Өзбекстан – Иран – 32:35; Үндістан – Оңтүстік Корея – 8:38;

3-тур. Үндістан – Өзбекстан – 28:22; Иран – Аустралия – 43:15;

4-тур. Аустралия – Үндістан – 30:42; Өзбекстан – Оңтүстік Корея – 21:41;

5-тур. Аустралия – Өзбекстан – 26:36; Оңтүстік Корея – Иран – 41:11;

Турнир кестесі

 

В тобы

1-тур. Қытай – Қазақстан – 28:26; Таиланд – Жапония – 9:44;

2-тур. Гонконг – Қазақстан – 24:28; Қытай – Жапония – 26:29;

3-тур. Қытай – Гонконг – 36:21; Қазақстан – Таиланд – 30:24;

4-тур. Таиланд – Қытай – 13:36; Гонконг – Жапония – 7:42;

5-тур. Таиланд – Гонконг – 24:20; Қазақстан – Жапония – 21:33;

Турнир кестесі

 

Плей-офф

Жартылай финал. Оңтүстік Корея – Қытай – 34:16; Жапония – Иран – 43:19;

9-10-орын үшін. Аустралия – Гонконг – 26:28;

5-8-орын үшін. Үндістан – Таиланд – 37:25; Қазақстан – Өзбекстан – 30:28;

7-8-орын үшін. Таиланд – Өзбекстан – 39:35;

5-6-орын үшін. Қазақстан – Үндістан – 42:31;

3-4-орын үшін. Қытай – Иран – 39:24;

ФИНАЛ. Оңтүстік Корея – Жапония – 34:29 (27:27) қосымша уақытта.

Жалпы, әлем чемпионатына кез кел­ген команда топ етіп түсе салмайды. Іріктеу ойын­дарының өзі қажырлы еңбекті қа­жет етеді. Оны еліміздегі баскетбол, волей­бол, футбол сияқты командалық спорт түр­лерінің іріктеу сайыстарынан кө­р­іп жүрміз. Сондықтан гандболшы қызда­ры­мыздың Азия құрлығынан бесінші орын иеленіп, әлемдік жарысқа жолдама алып жатқанының өзі – біз үшін үлкен жетістік.