![Президент Өзбекстанға мемлекеттік сапармен барды](/media/2022/12/21/yu.jpg)
«Екі күндік сапар аясында Өзбекстан Президентімен шағын және кеңейтілген құрамда келіссөздер жүргізу, бірқатар келісімге қол қою жоспарланған», делінген хабарламада.
Президент Қасым-Жомарт Тоқаевтың Өзбекстанға мемлекеттік сапармен баратыны 19 желтоқсанда белгілі болған еді. Мемлекет басшысы Президент Шавкат Мирзиеевпен келіссөздер барысында екіжақты ынтымақтастықтың өзекті мәселелерін, сауда-экономикалық және транзиттік-көліктік ынтымақтастықты одан әрі нығайту перспективаларын, сондай-ақ гуманитарлық саладағы ынтымақтастықты талқылайтыны хабарланды.