«Биылғы жылдың 5 қаңтарындағы мәлімет бойынша, Астана қаласында 359,5 млрд теңгеге 23 130 несие берілген. Ал Алматыда 199,7 млрд теңгеге 13 055 несие берілді. Шымкент қаласында 60,9 млрд теңгеге 5 034 несие берілген», деп хабарлады Ұлттық банктің баспасөз қызметі.
Еске салайық, 2022 жылдың желтоқсан айында елімізде «7-20-25» бағдарламасын жалғастыру жоспарланып отырғаны хабарланған еді.
«Мемлекет басшысының сайлауалды тұғырнамасында көрсетілгендей, Қазақстанда «7-20-25» бағдарламасын жалғастыру жоспарда бар, бірақ толық ақпаратты Ұлттық банктен алған дұрыс деп ойлаймын», деді Индустрия вице-министрі Еркебұлан Дауылбаев.
