Бүгін Қостанай облысы ТЖД Қамысты ауданы ТЖ бөлімінің қызметкерлері Алтынсары ауылы мен Свободное ауылы арасында Әзербайжан азаматынан хабарлама алған. Ол жүк фурасының бұзылғанын айтып, көмек сұраған. Шақыру орнына Қамысты ауданы ТЖБ бастығы және бөлімнің аға инженері барған. 80 шақырым жолды жүріп өткен олар Алтынсары ауылынан 9 шақырым жерде «VOLVO» маркалы ауыр жүк көлігін тапқан.
«Әзербайжан азаматы жүк көлігімен Астана қаласына навигатормен бара жатқан екен. Қашықтықты қысқарту үшін жүргізуші Қамысты ауданының аумағындағы дала жолымен жүруге шешім қабылдаған. Алайда жолда дизельді қозғалтқыш температураның төмендеуіне сезімтал болып шыққан. Сондықтан көлік далада тоқтап қалған», делінген хабарламада.
Құтқарушылар тоңған жүргізушіні Алтынсары ауылына жеткізіп, оны жергілікті жатақхананың жылыту пунктіне орналастырған. Онда оған қауіпсіз жатақхана ұйымдастырылған.
Қостанай облысының ТЖД азаматтарды қысқы автожолдарда өте сақ болуға шақырды. Жеке қауіпсіздік мақсатында қолайсыз метеожағдайлар кезінде алыс сапарларға шықпау керек.
