Бас прокурор балаға қол көтерген тәрбиешілерге қатысты пікір білдірді

Ол «елорданың инклюзивті балабақшасында болған өрескел жағдай қайталанбауы керек» деп атап өтті.

«Балаларды қорлауға жол бермеу керек. Қылмыстық істі тергеу барысы бақылауға алынды», деді Берік Асылов.

Бас прокурордың айтуынша, кінәлілер заңға сәйкес жауапқа тартылады.

Бұған дейін Астана балабақшаларының бірінде тәрбиешілер ерекше қажеттіліктері бар балаға қол көтергенін хабарлаған едік.