Экономика • 25 Қаңтар, 2023

Маңғыстау облысында гибридті электр стансасы салынады

25 рет көрсетілді

«ҚазМұнайГаз» және ENI Маңғыстау облысында гибридті электр стансасын салуға келісті, деп хабарлайды Egemen.kz.

«ҚазМұнайГаз» ҰК АҚ (ҚМГ) Басқарма төрағасы Мағзұм Мырзағалиев қаңтардың 25-і Астана қаласында Eni S.p.A. (ENI) мұнай-газ компаниясының табиғи ресурстар бөлімінің барлау және өндіру жөніндегі директоры Лука Виньяти бастаған италиялық делегациямен кездесті.

ҚМГ мен ENI екіжақты ынтымақтастық мәселелерін талқылап, Маңғыстау облысында жаңартылатын энергия көздері (күн+жел) және газбен (электрмен қамтуды тұрақтандыру және газ ресурсын үнемдеу үшін маневрлік қуат ретінде) жұмыс істейтін, қуаты 120 МВт гибридті электр стансасын салу жобасын бірлесіп іске асыруға келісті.

«Бұл жоба – қос компанияның бірлескен табысты жұмысының нәтижесі және Мемлекет басшысының «жасыл» жобаларды дамыту жөніндегі стратегиялық тапсырмасын іске асыру жолындағы қадам. Бастама өңірдің энергетикалық қауіпсіздігін нығайтып қана қоймай, инвестицияның келуіне және жаңа жұмыс орындарының ашылуына мүмкіндік береді», деді өз сөзінде Мағзұм Мырзағалиев.

Сонымен қатар келіссөз кезінде электр энергиясын мақсатты нысандар үшін өндіру мен жеткізу өндірісте жиі болатын электр энергиясының іркілісі салдарынан апаттық тоқтап қалу қаупін жоюға мүмкіндік беретіні айтылды.

Жобаны іске асыру мерзімі – 2023-2025 жылдар.

Гибридті электр стансаны салу жөніндегі келісім – бұл ҚМГ мен ENI компанияларының 2021 жылдың шілдесінде қол қойылған электр энергиясын өндіру және өткізу үшін энергетикалық ауысу жобаларын әзірлеудегі ынтымақтастық туралы меморандум аясындағы жұмысының жалғасы.

Соңғы жаңалықтар

Алматыда екі автобус соқтығысты

Аймақтар • Бүгін, 11:33

Өндіріс көлемі кеміген

Қазақстан • Бүгін, 08:58

Ерте қамданғанның есесі кетпейді

Төтенше жағдай • Бүгін, 08:50

Әділдік іздеген кәсіпкер

Кәсіпкер • Бүгін, 08:40

Музей қоры толыға түседі

Музей • Бүгін, 08:35

Жыл бапкері атанды

Футбол • Бүгін, 08:30

Ұқсас жаңалықтар