![Әскери қызметші қарт кісіні өрттен құтқарып қалды](/media/2023/01/28/photo_2023-01-28_19-11-10.jpg)
Биылғы жылдың 18 қаңтарында сержант Ерік Қасымбеков үйде болатын. Оған өткен жексенбіде нарядта болғаны үшін демалыс күні берілген.
Үйінің кіреберісіндегі айқайды естіген ол алаңға жүгіріп шықты. Әскери қызметші көршілерінен қарт әжей тұратын пәтерде өрт болғанын естіді.
Ерік Қасымбеков ойланбастан, қызыл жалынға оранған бөлмеге кіріп кетті. Көк түтінге қарамастан, ол қарияны тез тауып алып, оны сыртқа шығарып үлгереді.
Кейін өрт сөндірушілер келіп, тілсіз жауды ауыздықтады. Зардап шеккен кейуана жедел жәрдеммен медициналық мекемеге жеткізілді. Үш баланың әкесі Ерік Қасымбеков сын сағатта абдырап қалмай, жүрегінің әмірімен әрекет ете білді.
Оның өзі бұл іс-әрекетін айта бермейді. Кез келген әскери қызметші тәрізді ол да адамдарға көмек көрсетуді Отан қорғаушының басты міндеті деп санайды.