Руслан Иманқұловтың айтуынша, оқиға бүгін сағат 05:30-да болған. «Шымбұлақ» тау-шаңғысы кешенінде үш қабатты «Облака» рестобары өртеніп кетті. Арнайы өрт техникасына арналған кірме жолдардың болмауына байланысты өртті ішкі өртке қарсы крандар арқылы өшірген.
«Өрт 08:05-те ауыздықталды, зардап шеккендер жоқ. Алдын ала дерек бойынша өрттің ауданы - 800 шаршы метр. Өрт толығымен сағат 08:30-да сөндірілді, бұл үшін қар генераторы қолданылды», деді ол.
Алматының төтенше жағдайлар департаменті осы оқиғаға қатысты кейінірек толығырақ мәлімет береді.
