Жәдігер • 29 Қаңтар, 2023

Көне құмыра және кестелі тері

102 рет көрсетілді

Үш мыңнан аса жәдігері бар Байзақ аудандық тарихи-өлкетану музейі талай тарихты жас ұрпаққа танытумен келеді. Музейдегі әрбір экспонаттың өзіндік ерекшелігі бар.

вапва

Айталық, археология залын­да тұрған құмыра (сурет­те) VІІ-ХІІ ғасыр мұрасы екені анықталды. Шөл­төбе өңірінен табылған қыш құ­мы­раның биіктігі 31 см. Ал сал­мағы 28 кило. Көшпелі хал­қы­мыздың қолдан құйып жа­саған осынау қолөнері тұр­мыста ыдыс ретінде пай­да­ланғаны анық. Жазда су құйып, қыста тоң­азыт­қыш ре­тінде қол­да­нылған үлкен құ­мы­ра музей­ге келушілерді ерекше қы­­зықтырады.

Сондай-ақ кезінде апа-әжелеріміз өрнектеп кесте тіккенін бәріміз білеміз. Ал Байзақ аудандық тарихи-өлкетану музейіндегі мына бір кесте (суретте) өте ерекше. Кесте мал терісін өңдеп, бетіне түрлі түсті жіптермен әрлеп тігілген. Кестенің 200 жылдық тарихы бар. Мамандардың айтуына қарағанда, кесте иленген сыр терісіне тігілген. Оның бетінде гүлдер мен жапырақ суреті бейнеленген. Ерекше туындыны Байзақ аудандық тарихи-өлкетану музейі ашылған 2010 жылдары көрші Жамбыл ауданының тұрғындары сыйға тартқан. Кестенің ұзындығы – 30 см, ені 30 сантиметрді құрайды.

 

Айдана ШОТБАСОВА,

Жамбыл облысы Байзақ аудандық тарихи-өлкетану музейінің қор сақтаушысы

Ұқсас жаңалықтар