Бірінші суреттің аты – Зайсан постындағы Жеменей шатқалы. Туынды 1875 жылғы аталған шатқал көрінісінің бір сәтін бейнелеп тұр.
Ал осы суреттің астына «1874-75 жылдары Ресей үкіметі Қытай нарығына баратын жаңа құрлық жолдарын іздестіру, сауданың ұлғаю түйіндері, консулдықтар мен зауыттардың орналасу орындары туралы есеп беру және сол кезде өршіп тұрған дүнген көтерілісі туралы ақпарат жинауға Қытайға зерттеу және сауда миссиясын жіберді. Батыс Қытайдың бөліктері. Армия Бас штабының подполковнигі Юлиан А.Сосновский басқарған тоғыз адамнан тұратын арнаулы делегация топограф, капитан Матусовский; ғылыми қызметкер, доктор Павел Яковлевич Пиасецкий; қытай және орыс аудармашылары; үш казак солдаты және фотограф Адольф Эразмович Боярский тағы басқалардан құралған. Олардың мақсаты Санкт-Петербургтен Ұлан-Батыр (Моңғолия), Бейжің және Тяньцзинь арқылы Шанхайға, одан кейін Янцзы өзенінің бойымен, Құмылды басып, Ұлы Жібек жолын ендей өтіп, Зайсан көліне, Ресейге қайта оралу болатын. Боярский осы кезеңдегі Қытайды зерттеу үшін бірегей ресурс болып табылатын 200-ге жуық фотосурет түсіреді. Фотосуреттердің көпшілігі осы альбомға енгізілген, кейінірек ол Бразилия императоры II Педро жинаған және ол Бразилияның Ұлттық кітапханасына берген Тереза Кристина Мария жинағының бір бөлігі болды», деген түсіндірме берілген.
Ал келесі бір сурет «Қара-Мәлі» деп аталыпты да, «Ескі қаладан Зайсанға барар жолда, Қазақстан, 1875 жыл» деген тақырыппен сақталған екен. Одан кейінгі суреттің қайдан, қалай түсірілгені туралы берілген түсіндірме жоғарыдағымен ұқсас. Маңыздысы, аталған екі сурет те «Бразилия Ұлттық кітапханасы қорынан алынды», делінген.
