Қоғам • 31 Қаңтар, 2023

Ақтөбеде есірткі сатумен айналысқан тұрғын ұсталды

58 рет көрсетілді

Ақтөбеде есірткі саудасымен айналысқан тұрғын ұсталды, деп хабарлайды Egemen.kz Қаржы мониторинг агенттігіне сілтеме жасап.

ҚМА Ақтөбе облысы бойынша департаменті облыстық прокуратурамен бірлесіп Есірткі және психотроптық заттарды аса ірі көлемде сақтау және өткізу фактілері бойынша сотқа дейінгі тергеп-тексеруді жүргізіп жатыр.

«Қаржылық барлаудың талдамалық материалдары негізінде жүргізілген жедел-іздестіру іс-шараларының нәтижесінде есірткінің түрлерін, оның ішінде синтетикалық есірткілерді аса ірі көлемде сатумен айналысқан Ақтөбе қаласының тұрғыны анықталды. Жедел-іздестіру іс-шаралары нәтижесінде ол қылмыс үстінде ұсталып, оның тұрғылықты жерінде тінту жұмыстары жүргізіліп, одан «Alfa-PVP» синтетикалық есірткі заты; кокаин және каннобиноидты топтың есірткі заттары табылып, тәркіленді», деп хабарлады ведомстводан.

Аталған азамат ұсталып, уақытша ұстау изоляторына қамалды. Тергеу жалғасып жатыр. Тергеу мүддесіндегі басқа ақпарат жария етілмейді.

Ұқсас жаңалықтар