Қазақстан • 01 Ақпан, 2023

Астана мен Претория арасында әріптестік артады

162 рет
көрсетілді
1 мин
оқу үшін

Сыртқы істер министрінің орынбасары Қанат Тумыш Оңтүстік Африка Республикасының Қазақстандағы елшісі Кийтуметци Мэттьюспен кездесу өткізді. Жүздесуге Қазақстан Республикасының ОАР-дағы жаңадан тағайындалған елшісі Еркін Ахинжанов та қатысты, деп хабарлайды Egemen.kz.

Астана мен Претория арасында әріптестік артады

Келіссөз барысында тараптар саяси, сауда-экономикалық және мәдени-гуманитарлық салалардағы екіжақты ынтымақтастың қазіргі жағдайы мен даму перспективаларын талқылады және өзара іс-қимылдың барлық бағыттары бойынша екіжақты байланыстарды одан әрі нығайтудың маңыздылығын атап өтті.

Оның ішінде 2023 жылғы бірінші тоқсанының соңында Астанада өтетін сыртқы істер министрліктері арасындағы саяси консультациялардың келесі кезеңіне дайындық барысы талқыланды.

Кездесудің қорытындысы бойынша тараптар Астана мен Претория арасындағы әріптестікті жаңа сапалы деңгейге көтеру мақсатында екі елдің сыртқы саяси мекемелері арасындағы өзара іс-қимылды одан әрі ілгерілету бойынша уәделесті.