Қоғам • 08 Ақпан, 2023

Оралда жанармай талонмен беріліп жатыр

268 рет
көрсетілді
1 мин
оқу үшін

Кеше газ сататын Орал жанармай құю бекеттерінде кезек пайда болды. Шағын станцияларда жанармай сатылмайды, тек талондармен беріледі, деп хабарлайды Egemen.kz КТК арнасына сілтеме жасап.

Оралда жанармай талонмен беріліп жатыр

Батыс Қазақстан облысына сұйытылған газды Атырау мұнай өңдеу зауыты жеткізеді. Зауыттағы жоспардан тыс жөндеуден кейін тапшылық орын алды. 1 ақпанда ол жерде қондырғылардың бірінің жұмысын тоқтатуға тура келді.

Жөндеу жұмыстары 18 ақпанға дейін аяқталады деп жоспарланған. Ал 23 ақпан күні компания әдеттегідей жұмыс істеуі керек. Енді өңірге отынды қайдан алдыру керек екені талқыланып жатыр.

«Биыл 4 ақпаннан бастап Батыс Қазақстан облысына жөнелту тоқтатылды. Қазіргі уақытта Zhaikmunai компаниясымен жетіспейтін көлемдерді бөлу туралы келіссөздер жүргізілді. Әзірге облыстың ішкі нарығы үшін мың тоннаға жуық келісім жасалды», деді БҚО энергетика және ТКШ басқармасының бөлім басшысы Әсел Әбуова.

Биліктің мәліметінше, қалған 500 тонна отын қоры үш күнге жетеді.

 

Гүлшахра САНСЫЗБАЙ