ЕРДО сарапшылары 2021 жылы Қазақстанда 1 млн-нан астам адам фрилансер болып жұмыс істегенін анықтады. Фрилансерлердің 78%-ы мұндай жұмысты жалдамалы жұмыспен біріктірген.
Қазақстанда фрилансерлердің орташа саны 255,8 мың адамға жетті. 2021 жылы фрилансерлердің 48% – ы тек бір жұмыс берушіде, 18% – ы екі, 10% - ы үшеуінде жұмыс істеді. Фрилансерлердің негізгі бөлігі білім беру, сауда салаларына (15% - дан), сондай-ақ мемлекеттік басқару және әлеуметтік қамсыздандыру секторына (13%) тиесілі.
«Орташа табыс 124 мың теңгені, медианалық табыс 65 мың теңгені құрады. Бұл шарт бойынша сыйақы мөлшері аз адамдардың көп екендігін көрсетеді. Бұл ретте ең жоғары табыс кәсіптік және ғылыми қызмет салаларына, тау-кен өндіру өнеркәсібіне, ақпарат пен байланысқа тән. Өңірлерге қатысты жиынтығында Алматы, Астана және Шымкент қалаларына барлық фрилансерлердің шамамен 41%-ы келеді, оның ішінде тек Алматыда - 22%», делінген Еңбек және халықты әлеуметтік қорғау министрлігінің хабарламасында.
