«Балаларының қауіпсіздігіне алаңдамайтын отбасы жоқ. Мектептің ішінде де балаларға қауіп төнетінін көріп отырмыз. Сондықтан бұл мәселені қайта қарап, оқу орындарына тексеру жүргізу қажет. Мектептерде бейнекамералардың санын көбейтіп, кіреберіс жерлерде бақылауды күшейту мәселесін қолға алу керек», деді Премьер-министр.
Осыған байланысты Үкімет басшысы:
- Ішкі істер министрлігіне балалардың қауіпсіздігін арттыру бойынша келісілген ұсыныстар енгізуді;
- Денсаулық сақтау министрлігіне зардап шеккен балаларды емдеуді ерекше бақылауға алуды;
- Оқу-ағарту министрлігіне Ішкі істер және Төтенше жағдайлар министрліктерімен бірлесіп, қауіпсіздік сабақтарын әзірлеуді тапсырды.
