Аймақтар • 15 Ақпан, 2023

Алматыдағы қару-жарақ дүкенінен ұрланған қару Тараздан табылды

308 рет
көрсетілді
1 мин
оқу үшін

Жамбыл облысында заңсыз айналымдағы қаруды табу және тәркілеу бойынша мақсатты жұмыстар жалғасып жатыр, деп хабарлайды Egemen.kz.

Алматыдағы қару-жарақ дүкенінен ұрланған қару Тараздан табылды

Polisia.kz мәліметінше, 12 ақпанда Жамбыл облысы полиция департаментінің есірткі қылмысына қарсы іс-қимыл басқармасының қызметкерлері кезекті қару жасырылған орынды тапқан.

Тараз қаласының Арай иінінде 2022 жылғы қаңтарда Алматы қаласындағы қару-жарақ дүкенінен ұрланған 308 Win калибрлі Benelli Argo-E карабин мылтығы және патронымен бірге 9 мм калибрлі SM Action газ тапаншасы табылып, тәркіленді.

– Аталған дерекке қатысты сот-баллистикалық сараптамасы тағайындалды. ҚР ҚК-нің 287-бабының 3-бөлігі бойынша сотқа дейінгі тергеу амалдары жүргізіліп жатыр. Жедел-іздестіру іс-шаралары барысында біздің қызметкерлер қару-жарақтарды анықтауды және оларды залалсыздандыруды жалғастырып жатыр, – деді ПД ЕҚҚІБ бастығы Әлім Бажықбаев.