Әлем • 20 Ақпан, 2023

Түркияда жер сілкінісінен қаза тапқандар саны артты

466 рет
көрсетілді
1 мин
оқу үшін

Түркияның оңтүстік-шығысында болған жойқын жер сілкінісінен қаза тапқандар саны 41 мыңнан асты, деп хабарлайды Egemen.kz Anadolu агенттігіне сілтеме жасап.

Түркияда жер сілкінісінен қаза тапқандар саны артты

AFAD мәліметінше, Түркияның оңтүстігіндегі жойқын жер сілкінісінен қаза тапқандар саны 41 020-ға жетті. Қазір жер сілкінісі болған жерде Түркия мен шетелдерден келген іздеу-құтқару топтарының 19 436 қызметкері жұмыс істеп жатыр. Апат аймағында 216 мың 166 шатыр тігілген.

Айта кетейік, 6 ақпан күні Түркияның оңтүстік-шығыс бөлігінде екі күшті жерасты дүмпуі болып, Сирияның бірнеше провинциясы да зардап шекті.

Түркияның Газиантеп провинциясындағы жер сілкінісінен зардап шеккен Нұрдағы қаласы толығымен бұзылып, қайта салынады.