Оның айтуынша, Махамбет ауылындағы «Бизнес-инкубатор» ғимаратынан ашқан жаңа кинозалға әр буынның өкілдері келеді. Күндіз балаларға арналған мультфильмдер қойылады. Ал кешкі мезгілде ересектер отбасымен, достарымен бірге түрлі фильмді көреді. Билет бағасы балалар үшін – 800, ересектерге – 1 200 теңгеден.
Кинозалға келушілердің басым бөлігі – оқушылар мен жасөспірімдер. Әр аптаның сәрсенбісінде әлеуметтік жағдайы төмен отбасылардың балаларына кино тегін көрсетіледі.
– Қайтарымсыз грант қаржысына қажетті құрылғыларды, LED экранды сатып алдым. Кейін залды дайындап, жөндеу жүргіздік. Әзірге арнайы форматтағы фильмдерді ғаламтордан алып отырмыз. Прокатқа әзірге мүмкіндік болмай тұр. Келушілер саны көбейсе, кинозалды кеңейтуді ойластырып жүрмін. Жаңа фильмдер көрсеткіміз келеді, – дейді жас кәсіпкер.
Махамбет аудандық әкімдігінің мәліметінше, былтыр жаңашыл бизнес-идеяларды іске асыру үшін қайтарымсыз грантты 30 адам ұтқан. Оның 15-і жастар болса, қалғанын әлеуметтік осал топ санатындағы жандар алған.
Атырау облысы
