Қоғам • 23 Ақпан, 2023

«Кешірген жоқпыз» - Дәулет Тұрлыхановтың ұлымен төбелесте зардап шеккен заңгер

1357 рет
көрсетілді
1 мин
оқу үшін

Дәулет Тұрлыханов Алматыда ұлы Нұрасылмен төбелесте жарақат алған заңгерлермен кездесті. Бұл туралы Vesti.kz спорт порталына Анна Чернова айтып берген, деп хабарлайды Egemen.kz.

«Кешірген жоқпыз» - Дәулет Тұрлыхановтың ұлымен төбелесте зардап шеккен заңгер

«Жақында іс әскери полицияға берілді. Тергеу жүріп жатыр. Бүгін тергеуші қоңырау шалды. Біз оларға баратын болып келістік. Әзірге жаңалық жоқ. Жалпы бәрі әдеттегідей жүріп жатыр. Біз құқық бұзушының әкесімен кездестік. Ол ұлының әрекеті үшін кешірім сұрады. Біз өз кезегімізде ұлын кешірмегенімізді айттық. Ол заң алдында жауап беруі керек. Ал іс баршаға сабақ болған жөн», деді Чернова.

Еске салайық, бір апта бұрын Алматыда белгілі заңгер соққыға жығылған болатын. Оқиға туралы жәбірленуші Олег Черновтың әйелі, заңгер Анна Чернова айтты. Ол да сол жерде болған және жарақат алған.

Алматы ПД бұл дерек ҚР Қылмыстық кодекстің 293-бабы «Бұзақылық» бойынша соталды тергеудің бірыңғай тізіліміне тіркелгенін хабарлады. Қылмыстық іс бойынша алғашқы тергеу әрекеттері жүргізіліп, сараптамалар тағайындалған болатын.