Әлем • 23 Ақпан, 2023

Түркияда тағы 340 адам қамауға алынды

309 рет
көрсетілді
1 мин
оқу үшін

Түркияданың оңтүстік-шығысында болған жойқын жер сілкінісінен кейін жаппай қамауға алу жұмыстары басталды.  Ұсталғандардың кейбірі мародерлік пен алаяқтық жасады деп күдіктелсе, енді біріне құрылыс жұмыстарын дұрыс жүргізбеді деген айып тағылып отыр, деп хабарлайды Egemen.kz  TRT Haber сайтына сілтеме жасап.

Түркияда тағы 340 адам қамауға алынды

Телеарнаның хабарлауынша, Бас прокуратура елдің 11 провинциясында құрылыс жұмыстарын дұрыс жүргізбеді деген айыппен 564 күдіктіні анықтаған. Осылайша, олардың 160-ы қамауға алынса, 175-іне сот бақылау орнатқан.

Бұдан бөлек 71 күдіктіге тұтқындау және тағы 61 күдіктіге қамауға алу туралы ордерлер берілген. Сондай-ақ тағы алты адамның шетелде екендігі анықталды. Сол сияқты аталған істе күдікті деп танылған 11 адам қайтыс болғаны белгілі болды.

Түрік полициясы жер сілкінісінен зардап шеккен аудандардағы ұрлық, тонау және алаяқтық фактілерін де тексеріп жатыр. Аталған фактілер бойынша 282 адам күдікті ретінде танылып, олардың 181-і қамауға алынған.