Әскер • 27 Ақпан, 2023

Десантшылар тәлімі

249 рет
көрсетілді
1 мин
оқу үшін

Алматыда десантшылар жоғары сынып оқушылармен кездесу өткізді. Патриоттық іс-шараға қаланың барлық аудандарынан үш жүзден астам жоғары сынып оқушы­лары, алғашқы әскери дайындық пәнінің мұғалімдері мен жергілікті әскери басқару органдарының өкілдері қатысты.

Десантшылар тәлімі

Оқушылардың Алматы қаласында орналас­қан Десанттық-шабуылдау әскерлері құрамасы­мен танысуы казармадан басталды. Жасөспірім­дер­ге мерзімді қызметтегі сарбаздардың тұрмысы көрсетілді. Олар мектеп оқушыларына төсек жинау, аяқ киім тазалау және киімді ұқыпты бүктеу сияқты әскердегі лайфхактарды көрсетті.

– Оқушылар әскердегі қызмет туралы көп біле бермейді. Біз оларға сарбаздардың қалай өмір сүріп жатқанын, қызметін көруге, сондай-ақ мұнда қандай әскери-есептік мамандықтарды үйренуге болатыны туралы білуге мүмкіндік береміз. Десанттық-шабуылдау әскерлеріндегі қызмет жас жігіттің әлеуетін ашады. Ол өзіне деген сенімділікті арттыруға, нағыз адал достар табуға, жалпы айтқанда, Отанның нағыз қорғаушысы болуға мүмкіндік береді, – дейді әскери бөлім командирінің тәрбие және идеологиялық жұ­мыс­тар жөніндегі орынбасары, подполковник Бақытжан Қырғызалиев.

 

Соңғы жаңалықтар

Нағыз ғалым еді...

Тұлға • Кеше

Көршінің наны

Қоғам • Кеше