Өндіріс • 01 Наурыз, 2023

Уран өндіру мен өңдеудің толық циклімен танысты

371 рет
көрсетілді
1 мин
оқу үшін

Жуырда Энергетика вице-министрі Асхат Хасенов Қызылорда облысына үшкүндік жұмыс сапары барысында облыс әкімінің бірінші орынбасары Серік Қожаниязовпен бірге «Байкен-U» ЖШС уран өндіруші кәсіпорнына барып, уранды өндіру мен өңдеудің толық циклімен, оның ішінде аффинаж зауытының жұмысымен және ауысымдағы жұмысшылардың еңбек, тұрмыс жағдайымен танысты.

Уран өндіру мен өңдеудің толық циклімен танысты

Жалпы жер қойнауын пайда-ланушының жұмысына оң баға беріліп, өңірдің әлеуметтік-экономикалық дамуына қосқан үлесі атап өтілді.

Сондай-ақ жұмыс сапары аясын­да «Қазатомөнеркәсіп» ҰАК» АҚ және оның Қызылорда облысында орналасқан еншілес кәсіпорындарының қатысуымен олардың қазіргі қызметі мәселелері бойынша жұмыс кеңесі өтті.

Кеңес қорытындысы бойынша Энергетика министрлігіне уран кен орындарын игеруді дамыту бағдарламасының тұжырым­дама­ларын және кен орындарына іргелес аумақтарда уранды барлау жоспарларын ұсыну, сондай-ақ кен орындарында уран өндіру кезеңін ұзарту мәселесін пысықтау тапсырылды.

Сол күні түстен кейін «ҚазМұнайГаз» ҰК» АҚ, «QazaqGaz» ҰК» АҚ және өңірдегі көмірсутектер саласын­дағы жер қойнауын пайдаланушыларымен жұмыс кездесуі өтті.

«ҚазМұнайГаз» ҰК» АҚ-ға Торғай-Палеозой учаскесінде ұңғыманы бұрғылау бойынша жұмысты жеделдету ұсынылды. «QazaqGaz» ҰК» АҚ-ға және «Қазгермұнай» БК» ЖШС-ға Оңтүстік Ақсай кен орнын жедел пайдалануға беру жөнінде шаралар қабылдау тапсырылды.

Кеше вице-министр өңір тұрғын­дарымен және коммерциялық емес ұйымдармен кездесіп, азаматтарға жеке қабылдаулар өткізіп, жұмыс сапарының қорытындысы бойынша бұқаралық ақпарат құралдарының өкілдеріне брифинг ұйымдастырды.