Әлем • 05 Наурыз, 2023

Түркия мен Сириядағы жер сілкінісінен қаза тапқандар саны 46 мыңға жетті

305 рет
көрсетілді
1 мин
оқу үшін

Түркияның ішкі істер министрі Сүлейман Сойлу елдің оңтүстік-шығысындағы жер сілкінісінен қаза тапқандар саны 46 мыңға жақындағанын айтты,  деп хабарлайды Egemen.kz TRT-ға сілтеме жасап.

Түркия мен Сириядағы жер сілкінісінен қаза тапқандар саны 46 мыңға жетті

«Құрбан болғандар саны 45 968-ге дейін жетті. Оның 4267-сі - Сирия азаматтары»,  деді түрік министрі.

Ол алғашқы жер сілкінісінен бері 13 мыңнан аса қайталама дүмпу болғанын айтты.

Министрдің сөзінше, 26 300 ғимарат опырылған, бұл ғимараттардың барлығында дерлік іздеу-құтқару жұмыстары жүргізілген.

Айта кетейік, 6 ақпанда Түркияның оңтүстік-шығысында 7,7 және 7,6 балдық жер сілкінісі болды.