Қазақстанда барлық этностардың дамуына қолайлы жағдай жасалған

Кеше Сыртқы істер министрі Ерлан Ыдырысов Қазақстанға ресми сапармен келген Еуропадағы қауіпсіздік және ынтымақтастық ұйымының (ЕҚЫҰ) Аз ұлттар істері жөніндегі Жоғарғы комиссары Астрид Турспен кездесу өткізді, деп хабарлады ҚР СІМ-інің баспасөз қызметі. Сұхбаттасушылар Қазақ­станның ЕҚЫҰ-мен және оның Жо­ғар­ғы комиссар Кеңсесімен (АҰЖК) ынтымақтастығының та­рихы берік қаланғанын және көптеген бі­ріккен жұмыстар сәтті атқарылғанын атап көрсетті. Сұхбат барысында Қазақстан Үкіметінің ұлтаралық және конфессияаралық келісім мен эт­ностық топтар құқықтарын қор­ғау бойынша жүргізген саясаты ха­лықаралық деңгейде жоғары бағаланатыны атап өтілді. Е.Ыдырысов сұхбаттасын Қа­зақстан аумағында 120-дан астам ұлт және 30-дан астам діни конфессия өкілдері тұра­тын­дығы жай­ында хабардар етті. Ол Жоғар­ғы комиссар Кең­сесін этнос­аралық қатынастар да­муы­ның мәселелерін ең жоғары дең­гейде шешуге мүмкіндік туғызатын Қазақстан халқы Ас­самблеясының әлеуетін барынша пайдалануға шақырды. Қазақстанда барлық этностық топтардың дамуына, этно-бағыт­талған ұйымдардың еркін жұ­мыс істеуіне, этностардың тілін, дәстүрлері мен мәдениетін сақ­тауға барынша оңды жағдай жасалғаны аталып өтті. ҚР СІМ басшысы этнос­ара­лық және дінаралық келісім мәсе­лелері Қазақстан үшін стра­те­гиялық маңызға ие екенін,  елді ме­кендейтін түрлі ұлттар арасын­да өзара сыйластық ауанын  сақтау шарты орындалғанда ғана гүлденген, еркін қоғам құ­руға және «Қазақстан-2050» Стратегиясының мақсаттарын орындауға болатынын атап көрсетті. ЕҚЫҰ-ның Аз ұлттар істе­рі жөніндегі Жоғарғы комис­сарының пікірінше, Қазақстан­ның әлеуметтік-экономикалық жетіс­тіктері елдегі ұлтаралық бейбітшілік пен конфессияаралық келісімнің арқасында мүмкін болып отыр. Кездесу барысында сұх­бат­тастар 2013 жылғы сәуірде Алма­тыда қабылданған АҰЖК Орталық Азия білім беру бағ­дар­­ламасы Іс-әрекеттер жоспа­рының жүзеге асырылу бары­сын талқылады. Осыған орай, Е.Ыдырысов Қазақ­стан үшін этностық топтар­дың ерек­шеліктерін сақ­тауға бағыт­тал­­ған жұмыс қызы­ғу­шылық туды­ратынын айта келіп, аз ұлт­тар шоғырланған жерлерде этностардың тілдерінде бі­лім беретін мектептер жұмыс істей­тінін жеткізді.