Meta компаниясы 10 мыңға жуық қызметкерін жұмыстан шығару туралы екінші ірі персоналды оңтайландыру жоспарын жариялады.
Бұған дейін Мeta басшысы Марк Цукерберг 2023 жылды компаниядағы «тиімділік жылы» деп жариялаған болатын. Осы аптада meta рекрутингтік тобы жұмыстан босатылады. Ал техникалық және бизнес топтарын қайта құрылымдау сәуір мен мамырда өтеді.
«Кейбір бөлімдердегі өзгерістер жылдың соңына дейін созылуы мүмкін», деді Цукерберг.
Оның айтуынша, 5 мыңға жуық ашық жұмыс орны туралы хабарландырулар да жойылады.
