Си Цзиньпин Путинді халықаралық форумға шақырды.
«Мен кеше Ресей президентін Қытайға келуге шақырдым. Өйткені Қытай биыл «Бір белдеу, бір жол» аясында үшінші халықаралық форум өткізеді. Путин алдыңғы екі форумға да қатысқан болатын», деді Қытай Президенті.
Си Цзиньпин форум туралы Ресей премьер-министрі Михаил Мишустинмен кездесуі кезінде айтты. Қытай үкіметі 2013 жылы Таяу Шығыс пен Еуропамен экономикалық серіктестік үшін екі ірі жобаны - Жібек жолының экономикалық белдеуі жобасын жүзеге асыру мақсатында «Бір белдеу, бір жол» стратегиялық бастамасын ұсынған.
Қазір жоба Азия, Африка және Еуропаның 78 елін қамтиды. Оның көмегімен Қытай өзге мемлекеттердің нарығына ықпалын күшейтуді көздейді.
